محمود سكت. عماد ابتسم ابتسامة حزينة ودي كانت آخر مرة اتكلم فيها أبوكي مع أخويا. دينا سألت وبعدها؟ عماد قال بعدها حصل الخلاف الكبير، وكل واحد مشي في طريق. المحامي بدأ يجمع الأوراق. لكن قبل ما يقفل الملف، وقعت من بين الصفحات صورة صغيرة. دينا التقطتها. كانت صورة قديمة لها وهي طفلة، واقفة جنب والدها. وفي ظهر الصورة جملة مكتوبة بخط والدها لو بنتي اتجوزت محمود، لازم يعرف إن البيت مش هدية البيت أمانة.
دينا دمعت عينيها. محمود شاف الصورة. ولأول مرة من بداية الأزمة، قال بصوت مكسور أنا خذلتهم هما الاتنين. دينا بصت له. لأ. سكتت لحظة. إنت خذلت نفسك الأول. الجملة نزلت عليه أقسى من أي لوم. وقبل ما يرد، تليفون المحامي رن. رد. وبعد ثواني، ملامحه اتغيرت. قال عندنا مشكلة جديدة. محمود سأله إيه؟ المحامي بص للملف وقال البنك بعت إخطار رسمي.
دينا وقفت. بخصوص إيه؟ قال فيه تحويل مالي كبير خرج من حساب المشروع قبل يومين والتحويل اتعمل بتوقيع محمود محمود اتجمد مكانه. أنا؟! مستحيل. المحامي حط الإخطار قدامه. التوقيع الموجود هنا توقيعك. محمود خطف الورقة، وبص عليها. التوقيع شبه توقيعي بس أنا ما مضيتش على أي تحويل. دينا بصت له من غير ما تتكلم. كريم سأل المبلغ قد إيه؟ المحامي ذكر الرقم. الحاجة سعاد شهقت ده تقريبًا كل المبلغ اللي لسه موجود في الحساب!
محمود هز رأسه بعنــ,,ـــــف أنا ما لمستش جنيه. المحامي قال عشان كده لازم نتصرف بسرعة. هنطلب تجميد أي حركة جديدة على الحساب لحد ما نراجع المستندات. دينا سألت والتحويل راح لمين؟ المحامي قلب الصفحة. ثم قال لحساب شركة اسمها النور للتوريدات. كريم قال الشركة دي مش موجودة ضمن الموردين الحاليين. عارف. محمود بص للمحامي مين صاحبها؟ المحامي بدأ يبحث في الأوراق. وبعد لحظات رفع عينه. هنا المفاجأة.
إيه؟ الشركة مسجلة باسم شخص اسمه عماد محمود. الكل بص ناحية الرجل الكبير. عماد نفسه اتفاجئ. أنا؟! المحامي هز رأسه الاسم كاملًا متطابق لكن بيانات الميلاد والعنوان مختلفة. عماد وقف. أنا عمري ما كان عندي شركة باسم النور. كريم قال يبقى حد استخدم اسمك. محمود قال بسرعة أو حد عايز يلبسها فيا وفيه. دينا كانت ساكتة. فضلت تقرأ الإخطار مرة واتنين.
ثم قالت استنوا. الجميع بص لها. التحويل اتعمل إمتى؟ المحامي قال قبل يومين، الساعة 1140 صباحًا. دينا رفعت عينيها. محمود كان فين وقتها؟ محمود فكر. في الشركة. كريم قال وأنا كنت معاه. محمود أضاف وكنا في اجتماع مع المحاسب. دينا قالت مين كان عنده صلاحية الدخول على الحساب؟ المحامي رد محمود والمحاسب وفيه صلاحية إلكترونية قديمة لشخص تالت. محمود عقد حاجبيه. مين؟ المحامي رجع للملف القديم. ثم قال الصلاحية دي باسم وسكت.
دينا قالت باسم مين؟ المحامي رفع عينيه. عماد. عماد اتصدم. أنا؟! الصلاحية قديمة من وقت تأسيس الشركة. عماد ضــ,,ـــــرب كفه على جبينه. أنا سلمت كل أوراقي لأخويا يوم ما خرجت من المشروع! كريم قال يبقى حد احتفظ بنسخة من بياناتك. الحاجة سعاد فجأة افتكرت حاجة. استنوا بصت لمحمود. يوم ما رجعت من الشركة من يومين، قلت لي إنك قابلت واحد من الموظفين القدامى. محمود سأل مين؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.