حكايات بسمه1قصصوحكايات روماني مكرم

تنازل كامل بلا قيد ولا شرط عن الفيلا بتاعته، وعن كل الأسهم اللي دخلت باسمه أو باسم عيلته، وعن العربيات والشركات الوهمية. ورجعنا الأراضي بالكامل باسم حضرتك وباسم ابنك نوح. محمود أخد نَفَس عميق وسأل:— والبلاغ؟

عصام ابتسم ابتسامة باردة:— مباحث الأموال العامة ومباحث التزييف والتزوير استلموا الملف كامل الساعة تلاتة الفجر بعد ما وقع مباشرة. رامي دلوقتي في الحجز في قسم التجمع، ومفيش خروج بكفالة لأن التهم تزوير محررات رسمية واستيلاء على أموال قاصر وخيانة أمانة عظمى، ده غير بلاغات تهرب ضريبي قدمناها بالنيابة عن الشركات الوهمية اللي كان عاملها.

أقل حكم مستنيه مش هيقل عن ١٥ سنة سجن مشدد مع رد المبالغ ومصادرة كل ممتلكاته. محمود فضل باصص للورق لحظات، وبعدين قال بصوت حاسم:— مش ده اللي يهمني. البيت بتاعنا… البيت القديم اللي مريم ونوح كانوا عايشين فيه، حصله إيه؟عصام طلع عقد أزرق كبير واداه لمحمود:— المشتري المستثمر طلع شاري بحسن نية ومعاه عقد مسجل، بس أول ما فهم الوضع وعرف إن التوكيل كان مستخدم بطريق النصب والتزوير، واللواء شريف قعد معاه وفهمه العواقب، طلب بس يرجعله تمن الشرا اللي دفعه زمان… دفعتله المبلغ من حساب الشركة من ساعتين، والبيت رجع باسم مريم ونوح قانوناً، وشهادة الملكية أهي، وكل الناس اللي كانت فيه أخلوا البيت فوراً.

محمود مسك العقد في إيده، وبص للورق اللي كان بيحلم بيه. كل حاجة رجعت… الفلوس، الأراضي، البيوت، والحق اتاخد بالكامل من اللي خانوه. لكن لما لف وشه وبص من القزاز على مريم اللي كانت لسه واقفة قدام سرير نوح، حس إن كل الورق ده ميسواش مليم قدام الجرح اللي في قلبها. قرب محمود من مريم بهدوء، ووقف جنبها. مريم حست بوجوده بس ما بصتلوش، عينيها كانت معلقة على صدر نوح اللي بيطلع وينزل بسلام.

محمود مد إيده وحط العقد الأزرق في إيدها بالراحة. مريم بصت للورق اللي في إيدها، وقرأت العنوان: "عقد ملكية وتنازل نهائي غير مشروط عن منزل المعادي… الطرف المشتري: مريم عبد العزيز ونوح محمود الشاذلي".وتحت العقد كان في دوسيه تاني فيه تنازل كامل من محمود عن ٥٠٪ من كل أسهم مجموعته الاستثمارية لنوح، وتوكيل إدارة كامل ومطلق لمريم حتى بلوغ الولد سن الرشد.

مريم رفعت عينيها وبصت لمحمود بذهول وعدم تصديق:— إيه ده؟محمود بص في عينيها بثبات وصوت مخلص لأول مرة من سنين:— ده حقك وحق ابنك اللي رامي سرقه.

البيت بتاعكم رجع، شجرة الليمون هنزرعها من تاني، وعلامات طول نوح هنرسمها من جديد على الحيطة. وفلوس شركتي نصها باسمه من اللحظة دي، ومفيش مخلوق في الدنيا يقدر يتحكم في قرش واحد منكم. مريم فضلت باصة للورق وإيديها بتترعش، والدموع وقفت في عينيها وحل مكانها صدمة وخوف:— وإنت يا محمود؟