اخويا عزم خطيبته ومامتها عندنا

قعدنا تحت في شقة أمي لحد بعد العصر، أحمد كان ساكت تماماً ومش راضي ياكل ولا يشرب، وأنا بحاول أهدي أمي وأديها دوا الضغط عشان ميرفعش عليها. حاولت أقنع نفسي إن كل شيء انتهى، وإن ربنا نجا أخويا على آخر لحظة، لكن السكــ,,ـــــينة دي مكملتش ساعتين زمن. الساعة كانت داخلة على سبعة بالليل، والدنيا بدأت تظلــ,,ـــــم، ورنين جرس الباب رن بطريقة غريبة؛

رنات متواصلة، سريعة، ووراها خبط عنيف ومكتوم على الخشب. قومت اتفزعت من مكاني، وأحمد جري على الباب وفتحه، ولقينا قدامنا اتنين من كبارات المنطقة، ومعاهم عمي الكبير اللي ساكن في أول الشارع، ووشوشهم مقلوبة وغضبانة بطريقة تقطع الخلف. عمي دخل وزق أحمد في صدـ,,ـــره وهو بيزعق بصوت عالي سمّع العمارة كلها إنت إيه اللي هببته ده؟

إنت جايب للبيت وللعيلة الفضايح في آخر أيامنا؟ أبو البنت قالب الدنيا في الشارع وجايب ناسه ومعاهم تسجيلات وصور ل وصل أمانة وشيكات بيقولوا إنك ماضي عليها وواكل حقهم وسارق دهب البنت، وعاملين محضر سرقة ونصب في القسم وبيلفوا بالورق على بيوت الحتة كلها عشان يفضحونا!. وقفت متجمدة والدم هرب من عروقي، وبصيت لأخويا اللي اتصدم ورجع لورا خطوتين وهو بيقول شيكات ووصلات إيه يا عمي؟

والله العظيم عمري ما مضيت ليهم على ورقة بمليم، ده هما اللي طالعين من هنا سارقين ورقنا ودهب أمي!. عمي طلع تليفونه من جيبه بعصبية، وشغل صورة ورقة متصورة وورقة بلاغ رسمي ورماها في وش أحمد، وأنا قربت بسرعة وبصيت في الشاشة، وشوفت منظر شل تفكيري وخلاني أحس إن الأرض بتميد بيا.

.. كانت صورة لوصل أمانة بمبلغ خيالي، وتحته إمضاء كربونية وبصمة متزورة باحتراف شبه إمضاء أحمد بالمللي، ومكتوب إنه استلم دهب بمبلغ نص مليون جنيه على سبيل الأمانة وبددها، وده كان الفخ الخبيث اللي كانوا مجهزينه عشان يلووا بيه دراعنا لو كشفنا سرقتهم للأرض!